@๗ ฉ.ม. เทวโลกสิรึ วิย รชฺชสิรึ ๘ ฉ.ม. ราหุลภทฺทสฺส นิพฺพินฺนหทโย ฉนฺนํ อุฏฺฐาเปตฺวา กณฺฐกํ ๑- อาหราเปตฺวา กณฺฐกํ อารุยฺห ฉนฺนสหาโย ทสสหสฺสิโลกธาตูหิ เทวตาหิ กตปริวาโร มหาภินิกฺขมนํ นิกฺขมิตฺวา เตเนว รตฺตาวเสเสน ตีณิ มหารชฺชานิ อติกฺกมิตฺวา อโนมานทีตีเร ปพฺพชิตฺวา อนุกฺกเมน ราชคหํ คนฺตฺวา ตตฺถ ปิณฺฑาย จริตฺวา ปณฺฑวปพฺพตปพฺภาเร นิสินฺโน มคธราเชน รชฺเชน นิมนฺติยมาโน ตํ ปฏิกฺขิปิตฺวา สพฺพญฺญุตํ ปตฺวา ตสฺส วิชิตํ อาคมนตฺถาย เตน คหิตปฏิญฺโญ อาฬารญฺจ อุทฺทกญฺจ อุปสงฺกมิตฺวา เตสํ สนฺติเก อธิคตวิเสเสน อปริตุฏฺโฐ ฉพฺพสฺสานิ มหาปธานํ ปทหิตฺวา วิสาขปุณฺณมีทิวเส ปาโตว เสนานิคเม ๒- สุชาตาย ทินฺนํ ปายาสํ ปริภุญฺชิตฺวา เนรญฺชราย นทิยา สุวณฺณปาตึ ปวาเหตฺวา เนรญฺชราย ตีเร มหาวนสณฺเฑ นานาสมาปตฺตีหิ ทิวสภาคํ วีตินาเมตฺวา สายณฺหสมเย โสตฺถิเยน ๓- ทินฺนํ ติณมุฏฺฐึ ๔- คเหตฺวา กาฬนาคราเชน อภิตฺถุตคุโณ โพธิมณฺฑํ อารุยฺห ติณานิ สนฺถริตฺวา "น ตาวิมํ ปลฺลงฺกํ ภินฺทิสฺสามิ, ยาว เม อนุปาทาย อาสเวหิ จิตฺตํ น มุจฺจิสฺสตี"ติ ๕- ปฏิญฺญํ กตฺวา โพธิปลฺลงฺเก ปาจีนทิสาภิมุโข นิสีทิตฺวา สุริเย อนตฺถงฺคมิเตเยว ๖- มารพลํ วิธมิตฺวา ปฐมยาเม ปุพฺเพนิวาสญาณํ มชฺฌิมยาเม จุตูปปาตญาณํ ปตฺวา ปจฺฉิมยามาวสาเน ทสพลจตุเวสารชฺชาทิสพฺพพุทฺธคุณปฏิมณฺฑิตํ สพฺพญฺญุตญาณํ ปฏิวิชฺฌนฺโตเยว อิมํ อภิธมฺมนยสมุทฺทํ อธิคจฺฉิ. เอวมสฺส อธิคมนิทานํ เวทิตพฺพํ.

เอวํ อธิคตาภิธมฺโม เอกปลฺลงฺเกน นิสินฺนสตฺตาหํ, อนิมฺมิสฺสสตฺตาหํ, จงฺกมนสตฺตาหํ อติกฺกมิตฺวา จตุตฺเถ สตฺตาเห สยมฺภูญาณาธิคเมน อธิคตํ อภิธมฺมํ วิจินิตฺวา อปรานิปิ อชปาลมุจฺจลินฺทราชายตเนสุ ตีณิ สตฺตาหานิ วีตินาเมตฺวา อฏฺฐเม สตฺตาเห อชปาลนิโคฺรธรุกฺขมูเล นิสินฺโน ธมฺมคมฺภีรตาปจฺจเวกฺขเณน อปฺโปสฺสุกฺกตํ อาปชฺชมาโน ทสสหสฺสมหาพฺรหฺมปริวาเรน ๗- สหมฺปติพฺรหฺมุนา อายาจิตํ ธมฺมํ เทเสนฺโต ๘- พุทฺธจกฺขุนา โลกํ โวโลเกตฺวา พฺรหฺมุโน อชฺเฌสนํ

@๔ ฉ.ม. อฏฺฐติณมุฏฺฐึ ๕ ฉ.ม. วิมุจฺจิสฺสตีติ ๖ สี. อนตฺถมิเตเยว