@๗ ฉ.ม. ทสสหสฺสิมหาพฺรหฺมปริวาเรน ๘ ฉ.ม. อายาจิตธมฺมเทสโน อาทาย "กสฺส นุ โข อหํ ปฐมํ ธมฺมํ เทเสยฺยนฺ"ติ โอโลเกนฺโต อาฬารุทฺทกานํ กาลกตภาวํ ญตฺวา ปญฺจวคฺคิยานํ ภิกฺขูนํ พหุปการตํ อนุสฺสริตฺวา อุฏฺฐายาสนา กาสิกปุรํ ๑- คจฺฉนฺโต อนฺตรามคฺเค อุปเกน สทฺธึ มนฺเตตฺวา อาสาฬฺหปุณฺณมีทิวเส ๒- อิสิปตเน มิคทาเย ปญฺจวคฺคิยานํ ภิกฺขูนํ วสนฏฺฐานํ ปตฺวา เต อนนุจฺฉวิเกน สมุทาจาเรน สมุทาจรนฺเต สญฺญาเปตฺวา ธมฺมจกฺกํ ปวตฺเตนฺโต อญฺญาโกณฺฑญฺญตฺเถรปฺปมุขา ๓- อฏฺฐารส พฺรหฺมโกฏิโย อมตปานํ ปาเยสิ. เอวํ ยาว ธมฺมจกฺกปฺปวตฺตนา เทสนานิทานํ เวทิตพฺพํ. อยเมว ๔- สงฺเขโป. วิตฺถาโร ปน สาฏฺฐกถานํ อริยปริเยสนปพฺพชฺชาสุตฺตาทีนํ ๕- วเสน เวทิตพฺโพ.

เอวํ อธิคมนิทานเทสนานิทานสมฺปนฺนสฺส อภิธมฺมสฺส อปรานิปิ ทูเรนิทานํ, อวิทูเรนิทานํ, สนฺติเกนิทานนฺติ ตีณิ นิทานานิ. ตตฺถ ทีปงฺกรปาทมูลโต ปฏฺฐาย ยาว ตุสิตปุรา ทูเรนิทานํ เวทิตพพํ. ตุสิตปุรโต ปฏฺฐาย ยาว โพธิมณฺฑา อวิทูเรนิทานํ. "เอกํ สมยํ ภควา เทเวสุ วิหรติ ตาวตึเสสุ ปาริจฺฉตฺตกมูลมฺหิ ปณฺฑุกมฺพลสิลายํ. ตตฺร โข ภควา เทวานํ ตาวตึสานํ อภิธมฺมํ กเถสี"ติ อิทมสฺส สนฺติเกนิทานํ. อยํ ตาว นิทานกถา.

นิทานกถา นิฏฺฐิตา.