จิตฺเต คหปติ อรกฺขิเต กายกมฺมมฺปิ อรกฺขิตํ โหติ, วจีกมฺมมฺปิ อรกฺขิตํ โหติ, มโนกมฺมมฺปิ อรกฺขิตํ โหติ. จิตฺเต คหปติ รกฺขิเต ฯเปฯ จิตฺเต คหปติ พฺยาปนฺเน ฯเปฯ จิตฺเต คหปติ อพฺยาปนฺเน ฯเปฯ จิตฺเต คหปติ อวสฺสุเต ฯเปฯ จิตฺเต คหปติ อนวสฺสุเต กายกมฺมมฺปิ อนวสฺสุตํ โหติ. วจีกมฺมมฺปิ อนวสฺสุตํ โหติ. มโนกมฺมมฺปิ อนวสฺสุตํ โหตี"ติ. ๙-

เอวํ โลกิยธมฺมํ ปตฺวา จิตฺตํ เชฏฺฐกํ โหติ, จิตฺตํ ธุรํ โหติ, จิตฺตํ ปุพฺพงฺคมํ โหตีติ เวทิตพฺพํ. อิเมสุ ปน สุตฺเตสุ เอกํ วา เทฺว วา อคฺคเหตฺวา สุตฺตานุรกฺขนตฺถาย สพฺพานิปิ คหิตานีติ เวทิตพฺพานิ.

@๔ องฺ. เอกก. ๒๐/๕๖/๑๐ ๕ ขุ.ธ. ๒๕/๑-๒/๑๕ ๖ สํ.ส. ๑๕/๖๒/๔๔