กมฺมโต อุปปตฺติโต อินฺทฺริยปริปากโต กิเลสทูรีภาวโตติ อิเมหิ ปเนตฺถ การเณหิ ญาณสมฺปยุตฺตตา เวทิตพฺพา. โย หิ ปเรสํ ธมฺมํ เทเสติ, อนวชฺชานิ สิปฺปายตนกมฺมายตนวิชฺชาฏฺฐานานิ สิกฺขาเปติ, ธมฺมกถิกํ สกฺการํ กตฺวา ธมฺมํ กถาเปติ, "อายตึ ปญฺญวา ภวิสฺสามี"ติ ปตฺถนํ ฐเปตฺวา ๔- นานปฺปการํ ทานํ เทติ, ตสฺส เอวรูปํ กมฺมํ อุปนิสฺสาย กุสลํ อุปฺปชฺชมานํ ญาณสมฺปยุตฺตํ อุปฺปชฺชติ. อพฺยาปชฺเฌ ๕- โลเก อุปฺปนฺนสฺส วาปิ ตสฺส ตตฺถ สุขิโน ธมฺมปทา ปฺลวนฺติ, "ทนฺโธ ภิกฺขเว สตุปฺปาโท, อถ โส สตฺโต ขิปฺปํเยว วิเสสคามี ๖- โหตี"ติ ๗- อิมินา นเยน อุปปตฺตึ นิสฺสายปิ อุปฺปชฺชมานํ กุสลํ ญาณสมฺปยุตฺตํ อุปฺปชฺชติ. ตถา อินฺทฺริยปริปากํ อุปคตานํ ปญฺญาทสกปฺปตฺตานํ อินฺทฺริยปริปากํ นิสฺสายปิ กุสลํ

@๔ ฉ.ม. ปฏฺฐเปตฺวา ๕ ฉ.ม. อพฺยาปชฺเช ๖ ก. วิเสสภาคิ

@๗ องฺ. จตุกฺก. ๒๑/๑๙๑/๒๑๐ อุปฺปชฺชมานํ ญาณสมฺปยุตฺตํ อุปฺปชฺชติ. เยหิ ปน กิเลสา วิกฺขมฺภิตา, เตสํ กิเลสทูรีภาวํ นิสฺสายปิ อุปฺปชฺชมานํ กุสลํ ญาณสมฺปยุตฺตํ อุปฺปชฺชติ. วุตฺตมฺปิ เจตํ:-