ทานํ ทตฺวา คนฺธาทีหิ ปูชํ กตฺวา "อสุกสฺส นาม ปตฺติ โหตู"ติ วา "สพฺพสตฺตานํ โหตู"ติ วา ปตฺตึ ททโต ปตฺตานุปฺปทานํ เวทิตพฺพํ. กึ ปเนตํ ๕- ปตฺตึ ททโต ปุญฺญกฺขโย โหตีติ? น โหติ. ยถา ปน เอกํ ทีปํ ชาเลตฺวา ตโต ทีปสหสฺสํ ชาเลนฺตสฺส ปฐมทีโป ขีโณติ น วตฺตพฺโพ, ปุริมาโลเกน ปน สทฺธึ ปจฺฉิมาโลโก เอกโต หุตฺวา อติมหา โหติ, เอวเมว ปตฺตึ ททโต ปริหานิ นาม นตฺถิ, วุฑฺฒิเยว ปน โหตีติ เวทิตพฺโพ.

@๔ ฉ.ม. วตฺตปฺปฏิปตฺติกรณวเสน ๕ ฉ.ม. ปเนวํ

ปเรหิ ทินฺนาย ปตฺติยา วา อญฺญาย วา ปุญฺญกิริยาย "สาธุ สาธู"ติ อนุโมทนวเสน อพฺภานุโมทนํ เวทิตพฺพํ.