วุตฺตาธิกา จ ธมฺมา อภิธมฺโม เตน อกฺขาโต.

อยํ หิ อภิสทฺโท วุฑฺฒิสลกฺขณปูชิตปริจฺฉินฺนาธิเกสุ ๑- ทิสฺสติ. ตถา เหส "พาฬฺหา เม ทุกฺขา เวทนา อภิกฺกมนฺติ โน ปฏิกฺกมนฺตี"ติอาทีสุ ๒- วุฑฺฒิยํ อาคโต. "ยา ตา รตฺติโย อภิญฺญาตา อภิลกฺขิตา"ติอาทีสุ ๓- สลกฺขเณ. "ราชาภิราชา มนุชินฺโท"ติอาทีสุ ๔- ปูชิเต. "ปฏิพโล วิเนตุํ อภิธมฺเม อภิวินเย "ติอาทีสุ ๕- ปริจฺฉินฺเน. อญฺญมญฺญสงฺกรวิรหิเต ธมฺเม จ วินเย จาติ วุตฺตํ โหติ. "อภิกฺกนฺเตน วณฺเณนา"ติอาทีสุ ๖- อธิเก.

เอตฺถ จ "รูปูปปตฺติยา มคฺคํ ภาเวติ เมตฺตาสหคเตน เจตสา เอกํ ทิสํ ผริตฺวา วิหรตี"ติอาทินา ๗- นเยน วุฑฺฒิมนฺโตปิ ธมฺมา วุตฺตา. "รูปารมฺมณํ วา สทฺทารมฺมณํ วา"ติอาทินา ๘- นเยน อารมฺมณาทีหิ สลฺลกฺขณียตฺตา สลกฺขณาปิ. "เสกฺขา ธมฺมา, อเสกฺขา ธมฺมา, โลกุตฺตรา ธมฺมา"ติอาทินา ๙- นเยน ปูชิตาปิ, ปูชารหาติ อธิปฺปาโย. "ผสฺโส โหติ, เวทนา โหตี"ติอาทินา ๘- นเยน สภาวปริจฺฉินฺนตฺตา ปริจฺฉินฺนาปิ. "มหคฺคตา ธมฺมา, อปฺปมาณา ธมฺมา, อนุตฺตรา ธมฺมา"ติ- อาทินา ๑๐- นเยน อธิกาปิ ธมฺมา วุตฺตา. เตเนตเมตสฺส วจนตฺถโกสลฺลตฺถํ วุตฺตํ:-

"ยํ เอตฺถ วุฑฺฒิมนฺโต สลกฺขณา ปูชิตา ปริจฺฉินฺนา