@๒ ฉ.ม. สภาววิสภาคตาย. เอวมุปริปิ

@๓ ฉ.ม. เคหสฺสิตํ. เอวมุปริปิ ๔ ม.อุ. ๑๔/๓๐๗/๒๘๑

@๕ ฉ.ม. ปาณิอาทีหิ ๖ ม.อุ. ๑๔/๓๐๖/๒๘๐ สภาควิสภาคตาย อรติ ทูรปจฺจตฺถิกา, ตสฺมา ตโต นิพฺภเยน มุทิตา ภาเวตพฺพา. ปมุทิโต จ นาม ภวิสฺสติ, ปนฺตเสนาสเนสุ จ อธิกุสลธมฺเมสุ จ อุกฺกณฺฐิสฺสตีติ อฏฺฐานเมตํ.

อุเปกฺขาพฺรหฺมวิหารสฺส ปน "จกฺขุนา รูปํ ทิสฺวา อุปฺปชฺชติ อุเปกฺขา พาลสฺส มูฬฺหสฺส ปุถุชฺชนสฺส ๑- อโนธิชินสฺส อวิปากชินสฺส อนาทีนวทสฺสาวิโน อสฺสุตวโต ปุถุชฺชนสฺส. ยา เอวรูปา อุเปกฺขา, รูปํ สา นาติวตฺตติ, ตสฺมา สา อุเปกฺขา เคหนิสฺสิตาติ วุจฺจตี"ติอาทินา ๒- นเยน อาคตา เคหนิสฺสิตา อญฺญาณุเปกฺขา โทสคุณอวิจารณวเสน สภาคตฺตา อาสนฺนปจฺจตฺถิกา, สภาควิสภาคตาย ราคปฏิฆา ทูรปจฺจตฺถิกา, ตสฺมา ตโต นิพฺภเยน อุเปกฺขิตพฺพํ. อุเปกฺขิสฺสติ จ นาม รชฺชิสฺสติ จ ปฏิหญฺญิสฺสติ จาติ อฏฺฐานเมตํ.