[๒๙๖] เตสํ ธมฺมานนฺติ เย ตสฺมึ สมเย ปฏิเวธํ คจฺฉนฺติ จตุสจฺจธมฺมา, เตสํ ธมฺมานํ. อญฺญาตานนฺติ ๔- กิญฺจาปิ ปฐมมคฺเคน เต ธมฺมา ญาตา นาม

@๓ ฉ.ม. สมฺพุชฺฌนฺตีติ โพชฺฌงฺคาติ, ขุ. ปฏิ. ๓๑/๑๗/๓๒๗

@๔ ฉ.ม. อนญฺญาตานนฺติ. เอวมุปริปิ โหนฺติ, ยถา ปน ปกติยา อนาคตปุพฺพํ วิหารํ อาคนฺตฺวา วิหารมชฺเฌ ฐิโตปิ ปุคฺคโล ปกติยา อนาคตภาวํ อุปาทาย "อนาคตปุพฺพฏฺฐานํ อาคโตสฺมี"ติ วทติ, ยถา จ ปกติยา อปิลนฺธปุพฺพํ ๑- มาลํ ปิลนฺธิตฺวา, อนิวตฺถปุพฺพํ วตฺถํ นิวาเสตฺวา, อภุตฺตปุพฺพํ โภชนํ ภุญฺชิตฺวา ปกติยา อภุตฺตภาวํ อุปาทาย "อภุตฺตปุพฺพํ โภชนํ ภุตฺโตมฺหี"ติ วทติ, เอวมิธาปิ ยสฺมา ปกติยา อิมินา ปุคฺคเลน อิเม ธมฺมา น ญาตปุพฺพา, ตสฺมา "อญฺญาตานนฺ"ติ วุจฺจติ. ๒- อทิฏฺฐาทีสุปิ เอเสว นโย. ตตฺถ อทิฏฺฐานนฺติ อิโต ปุพฺเพ ปญฺญาจกฺขุนา อทิฏฺฐานํ. อปฺปตฺตานนฺติ อธิคมวเสน อปฺปตฺตานํ. อวิทิตานนฺติ ญาเณน อปากฏกตานํ. อสจฺฉิกตานนฺติ อปจฺจกฺขกตานํ. สจฺฉิกิริยายาติ ปจฺจกฺขกรณตฺถํ. ยถา จ อิมินา ปเทน, เอวํ เสเสหิปิ สทฺธึ "อญฺญาตานํ ญาณาย, อทิฏฺฐานํ ทสฺสนาย, อปฺปตฺตานํ ปตฺติยา, อวิทิตานํ เวทายา ๓- อสจฺฉิกตานํ สจฺฉิกิริยายา"ติ ๓- โยชนา กาตพฺพา.