เวทนา ปน ผสฺสปญฺจกํ ปตฺวา "เวทนา โหตี"ติ วุตฺตา, ฌานงฺคานิ ปตฺวา "สุขนฺ"ติ, อินฺทฺริยานิ ปตฺวา "โสมนสฺสินฺทฺริยนฺ"ติ. เอวํ เอโก ธมฺโม ตีสุ ฐาเนสุ วิภตฺโต.

@๓ ฉ.ม. อหิริกํ อโนตฺตปฺปํ

วิริยํ ปน อินฺทฺริยานิ ปตฺวา "วิริยินฺทฺริยํ โหตี"ติ วุตฺตํ, มคฺคงฺคานิ ปตฺวา "มิจฺฉาวายาโม"ติ, พลานิ ปตฺวา "วิริยพลนฺ"ติ, ปิฏฺฐิทุกํ ปตฺวา "ปคฺคาโห"ติ. เอวํ อยํ เอโก ธมฺโม จตูสุ ฐาเนสุ วิภตฺโต.