กสฺมา ปเนส ทีฆนิกาโยติ วุจฺจติ? ทีฆปฺปมาณานํ สุตฺตานํ สมูหโต จ นิวาสโต จ. สมูหนิวาสา หิ นิกาโยติ ปวุจฺจนฺติ. "นาหํ ภิกฺขเว อญฺญํ เอกนิกายมฺปิ สมนุปสฺสามิ เอวํ จิตฺตํ, ยถยิทํ ภิกฺขเว ติรจฺฉานคตา ปาณา. ๒- โปณิกนิกาโย จิกฺขลฺลิกนิกาโย"ติ เอวมาทีนิ เจตฺถ สาธกานิ สาสนโต จ โลกโต จ. เอวํ เสสานมฺปิ นิกายภาเว วจนตฺโถ เวทิตพฺโพ.

กตโม มชฺฌิมนิกาโย? มชฺฌิมปฺปมาณานิ ปญฺจทสวคฺคสงฺคหานิ มูลปริยาย- สุตฺตาทีนิ ทิยฑฺฒสตํ เทฺว จ สุตฺตานิ.

ทิยฑฺฒสตสุตฺตนฺตา เทฺว จ สุตฺตานิ ยตฺถ โส

นิกาโย มชฺฌิโม ปญฺจ- ทสวคฺคปริคฺคโห.