@๓ ฉ.ม. น เอกํสคฺคาโหติ อเนกํสคฺคาโห ๔ ฉ.ม. ปริสมนฺตโต

@๕ ม. ฉมฺภิตตฺตํ ๖ ฉ.ม. อุตฺตานตฺถเมว

@๗ ฉ.ม. อยํ ปาโฐ น ทิสฺสติ อุทฺธตํ โหติ. อิธ ธมฺมุทฺเทเส วิจิกิจฺฉาฐาเน "อุทฺธจฺจํ โหตี"ติ อาคตํ. ปทปฏิปาฏิยา อฏฺฐวีสติ ปทานิ โหนฺติ. อคฺคหิตคฺคหเณน จุทฺทส. เตสํ วเสน สวิภตฺติกาวิภตฺติกราสิวิธานํ เวทิตพฺพํ. อธิโมกฺโข มนสิกาโรติ เทฺวว เยวาปนกา.

[๔๒๙] นิทฺเทสวารสฺส อุทฺธจฺจนิทฺเทเส จิตฺตสฺสาติ น สตฺตสฺส น โปสสฺส. อุทฺธจฺจนฺติ อุทฺธตากาโร. น วูปสโมติ อวูปสโม. เจโต วิกฺขิปตีติ เจตโส วิกฺเขโป. ภนฺตตฺตํ จิตฺตสฺสาติ จิตฺตสฺส ภนฺตภาโว ภนฺตยานภนฺตโคณาทีนิ วิย. อิมินา เอการมฺมณสฺมึเยว วิปฺผนฺทนํ กถิตํ. อุทฺธจฺจญฺหิ เอการมฺมเณ วิปฺผนฺทติ, วิจิกิจฺฉา นานารมฺมเณ. เสสํ สพฺพวาเรสุ เหฏฺฐา วุตฺตนเยเนว เวทิตพฺพํ.