ตติยวาเทปิ กุสลโตว สสงฺขาราสงฺขารวิธานํ อธิปฺเปตํ, "ติเหตุกกมฺมํ ติเหตุกวิปากมฺปิ ทุเหตุกวิปากมฺปิ อเหตุกวิปากมฺปิ เทตี"ติ ปน วจนโต อสงฺขาริกติเหตุกปฏิสนฺธิกสฺส อสงฺขาริกทุเหตุเกนปิ ตทารมฺมเณน ภวิตพฺพํ. ตํ อทสฺเสตฺวา ติเหตุกสทิสเมว ๑- ตทารมฺมณํ ทสฺสิตํ, ตํ ปุริมาย เหตุกิตฺตนลทฺธิยา น ยุตฺตนฺติ ๒- เกวลํ ทสกมคฺควิภาวนตฺถเมว วุตฺตํ, อิตรมฺปิ จ ปน ลพฺภเตว. เอวํ ตติยวาเทปิ ยุตฺตํ คเหตพฺพํ. อยญฺจ สพฺพาปิ ปฏิสนฺธิชนกสฺเสว กมฺมสฺส วิปากํ สนฺธาย ตทารมฺมณกถา. "สเหตุกํ ภวงฺคํ อเหตุกสฺส ภวงฺคสฺส

กามาวจรกุสลวิปากกถา นิฏฺฐิตา.