[๕๗๗] รูปาวจรารูปาวจรกิริยานิทฺเทเสสุ ทิฏฺฐธมฺมสุขวิหารนฺติ ทิฏฺฐธมฺเม อิมสฺมึเยว อตฺตภาเว สุขวิหารมตฺตกํ. ตตฺถ ขีณาสวสฺส ปุถุชฺชนกาเล นิพฺพตฺติตสมาปตฺติ ยาว นํ น สมาปชฺชติ, ตาว กุสลาว. สมาปนฺนกาเล กิริยา โหติ, ขีณาสวกาเล ปนสฺส นิพฺพตฺติตสมาปตฺติ กิริยาว โหติ. เสสํ สพฺพํ ตํสทิสตฺตา กุสลนิทฺเทเส วุตฺตนเยเนว เวทิตพฺพนฺติ.

อฏฺฐสาลินิยา ธมฺมสงฺคหฏฺฐกถาย จิตฺตุปฺปาทกณฺฑกถา นิฏฺฐิตา.

อพฺยากตปทํ ปน ตาว เนว นิฏฺฐาตีติ. ๑-

จิตฺตุปฺปาทกณฺฑวณฺณนา นิฏฺฐิตา.