ปฐวีธาตุยา อาโปธาตุยา เตโชธาตุยา วาโยธาตุยา, น เตฺวว พุทฺเธ

อเวจฺจปฺปสาเทน สมนฺนาคตสฺส อริยสาวกสฺส สิยา อญฺญถตฺตนฺ"ติ. ๒-

อยเญฺหตฺถ อตฺโถ:- อานนฺท กกฺขฬตฺตลกฺขณา ปฐวีธาตุ ปริวตฺเตตฺวา ปคฺฆรณลกฺขณา อาโปธาตุ นาม ภเวยฺย, อริยสาวกสฺส ปน อญฺญถตฺตํ นาม นตฺถีติ. เอวเมตฺถ อฏฺฐานปริกปฺโป อาคโต.

[๖๕๒] อิโต ปเรสุ อุปาทินฺนาทินิทฺเทเสสุ อุปาทินฺนาทีนํ ๓- อตฺโถ มาติกาย วุตฺตนเยเนว เวทิตพฺโพ. จกฺขายตนาทีนิ เหฏฺฐา วิตฺถาริตาเนว, ตตฺถ ตตฺถ ปน วิเสสมตฺตเมว วกฺขาม.