อิโต กิร กปฺปสตสหสฺสาธิกานํ จตุนฺนํ อสงฺเขยฺยานํ มตฺถเก อมรวตี นาม นครํ อโหสิ, ตตฺถ สุเมโธ นาม พฺราหฺมโณ ปฏิวสติ อุภโต สุชาโต มาติโต จ ปิติโต จ สํสุทฺธคหณิโก ยาว สตฺตมา กุลปริวฏฺฏา อกฺขิตฺโต อนุปกุฏฺโฐ ชาติวาเทน อภิรูโป ทสฺสนีโย ปาสาทิโก ปรมาย วณฺณโปกฺขรตาย สมนฺนาคโต.
@๓ ฉ.ม. อุตฺติโย สมฺพโล ตถา ๔ วินย. ๘/๓/๓ โส อญฺญํ กมฺมํ อกตฺวา พฺราหฺมณสิปฺปเมว อุคฺคณฺหิ. ตสฺส ทหรกาเลเยว มาตาปิตโร กาลมกํสุ. อถสฺส ราสิวฑฺฒโก อมจฺโจ อายโปฏฺฐกํ อาหริตฺวา สุวณฺณรชตมณิมุตฺตาทิภริเต ๑- คพฺเภ วิวริตฺวา "เอตฺตกนฺเต กุมาร มาตุ สนฺตกํ, เอตฺตกํ ปิตุ สนฺตกํ, ๒- เอตฺตกํ อยฺยกอยฺยิกานนฺ"ติ ๒- ยาว สตฺตมา กุลปริวฏฺฏา ธนํ อาจิกฺขิตฺวา "เอตํ ปฏิปชฺชาหี"ติ อาห. สุเมธปณฺฑิโต จินฺเตสิ "อิมํ ธนํ สํหริตฺวา มยฺหํ ปิตุปิตามหาทโย ปรโลกํ คจฺฉนฺตา เอกํ กหาปณมฺปิ คเหตฺวา น คตา, มยา ปน คเหตฺวา คมนการณํ กาตุํ วฏฺฏตี"ติ รญฺโญ อาโรเจตฺวา นคเร เภรึ จาราเปตฺวา มหาชนสฺส ทานํ ทตฺวา ตาปสปพฺพชฺชํ ปพฺพชิ. อิมสฺมึ ปน ฐาเน สุเมธกถา กเถตพฺพา. วุตฺตํ เหตํ พุทฺธวํเส ๓-:-
"กปฺเป จ สตสหสฺเส จตุโร จ อสงฺขิเย