อนุปฺปนฺโน เจว กามจฺฉนฺโท. อุปฺปชฺชติ ฯเปฯ อนุปฺปนฺนญฺเจว

ถีนมิทฺธํ อุปฺปชฺชตี"ติ ๑๐- จ, "เกวโลหายํ ภิกฺขเว อกุสลราสิ ยทิทํ

ปญฺจ นีวรณา"ติ ๑๑- จ:-

เอวมาทีนิ จ อเนกาเนตสฺส อรูปภาวโชตกาเนว สุตฺตานิ วุตฺตานิ. ยสฺมา เจตํ อรูปํ, ตสฺมา อารุปฺเปปิ อุปฺปชฺชติ. วุตฺตเญฺหตํ มหาปกรณปฏฺฐาเน "นีวรณํ ธมฺมํ ปฏิจฺจ นีวรโณ ธมฺโม อุปฺปชฺชติ น ปุเรชาตปจฺจยา"ติ ๑๒- เอตสฺส วิภงฺเค "อารุปฺเป กามจฺฉนฺทนีวรณํ ปฏิจฺจ ถีนมิทฺธอุทฺธจฺจอวิชฺชานีวรณนฺ"ติ ๑๒- สพฺพํ วิตฺถาเรตพฺพํ. ตสฺมา สนฺนิฏฺฐานเมตฺถ คนฺตพฺพํ "อรูปเมว มิทฺธนฺ"ติ.