Tathā hissa "appeva nāma svepi upasaṅkameyyāma kālañca samayañca upādāyā"ti evamādīsu samavāyo attho. "ekova kho bhikkhave khaṇo ca samayo ca brahmacariyavāsāyā"tiādīsu khaṇo. "uṇhasamayo pariḷāhasamayo"tiādīsu kālo. "mahāsamayo pavanasmin"tiādīsu samūho. "samayopi kho te bhaddāli appaṭividdho ahosi, bhagavā kho sāvatthiyaṃ viharati, bhagavāpi maṃ jānissati `bhaddāli nāma bhikkhu satthu sāsane sikkhāya aparipūrakārī'ti. Ayampi kho te bhaddāli samayo appaṭividdho ahosī"tiādīsu hetu. "tena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī"tiādīsu diṭṭhi.

@4 vinaYu. 2/358/282 5 dī.Ma. 10/332/216 6 ka. aparipūrīkārīti

@7 Ma.Ma. 13/135/111 8 Sī. samaṇamaṇḍikāputto 9 ka. tiṇḍukācire