Tattha saṅkiliṭṭhacittassa paresaṃ vā bhedāya attano piyakamyatāya vā kāyavacīpayogasamuṭṭhāpikā cetanā pisuṇavācā. Sā yassa bhedaṃ karoti, tassa appaguṇatāya appasāvajjā, mahāguṇatāya mahāsāvajjā.

@3 cha.Ma. vatthu 4 Sī. nissajantopi 5 cha.Ma. suññabhāvaṃ, Sī. piyasuññabhāvaṃ

Tassā cattāro sambhārā bhinditabbo paro, "iti ime nānā bhavissantī"ti bhedapurekkhāratā vā "iti ahaṃ piyo bhavissāmi vissāsiko"ti piyakamyatā vā, tajjo vāyāmo, tassa tadatthavijānananti. Pare pana abhinne kammapathabhedo natthi, bhinneeva hoti.