Dānaṃ datvā gandhādīhi pūjaṃ katvā "asukassa nāma patti hotū"ti vā "sabbasattānaṃ hotū"ti vā pattiṃ dadato pattānuppadānaṃ veditabbaṃ. Kiṃ panetaṃ pattiṃ dadato puññakkhayo hotīti? na hoti. Yathā pana ekaṃ dīpaṃ jāletvā tato dīpasahassaṃ jālentassa paṭhamadīpo khīṇoti na vattabbo, purimālokena pana saddhiṃ pacchimāloko ekato hutvā atimahā hoti, evameva pattiṃ dadato parihāni nāma natthi, vuḍḍhiyeva pana hotīti veditabbo.

@4 cha.Ma. vattappaṭipattikaraṇavasena 5 cha.Ma. panevaṃ

Parehi dinnāya pattiyā vā aññāya vā puññakiriyāya "sādhu sādhū"ti anumodanavasena abbhānumodanaṃ veditabbaṃ.