[1039] Maggahetukaniddese paṭhamanayena paccayaṭṭhena hetunā maggasampayuttakānaṃ khandhānaṃ sahetukabhāvo dassito. Dutiyanayena maggabhūtena sammādiṭṭhisaṅkhātena hetunā sesamaggaṅgānaṃ sahetukabhāvo dassito. Tatiyanayena maggena uppannahetūhi sammādiṭṭhiyā sahetukabhāvo dassitoti veditabbo.

[1040] Adhipatiṃ karitvāti ārammaṇādhipatiṃ katvā. Te ca kho parittadhammāva honti. Ariyasāvakānaṃ hi attano maggaṃ garuṃ katvā paccavekkhaṇakāle ārammaṇādhipatiṃ katvā labbhati. Cetopariyañāṇena pana ariyasāvako parassa maggaṃ paccavekkhamāno garuṃ karontopi attanā paṭividdhamaggaṃ viya garuṃ na karoti. Yamakapāṭihāriyaṃ karontaṃ tathāgataṃ disvā tassa maggaṃ garuṃ karoti na karotīti? karoti, na pana attano maggaṃ viya. Arahā na kiñci katvā dhammaṃ garuṃ karoti ṭhapetvā maggaphalanibbānanti etthāpi ayamevattho. Vīmaṃsādhipateyyanti

@4 cha.Ma. magge 5-5 cha.Ma. ārammaṇādhipati labbhati 6 Ma. attano