[๕๑๑] นววิเธน รูปสงฺคโห จกฺขุนฺทฺริยํ โสตินฺทฺริยํ ฆานินฺทฺริยํ ชิวฺหินฺทฺริยํ กายินฺทฺริยํ อิตฺถินฺทฺริยํ ปุริสินฺทฺริยํ ชีวิตินฺทฺริยํ ยญฺจ รูปํ นอินฺทฺริยํ เอวํ นววิเธน รูปสงฺคโห ฯ นวกํ ฯ

[๕๑๒] ทสวิเธน รูปสงฺคโห จกฺขุนฺทฺริยํ โสตินฺทฺริยํ ฆานินฺทฺริยํ ชิวฺหินฺทฺริยํ กายินฺทฺริยํ อิตฺถินฺทฺริยํ ปุริสินฺทฺริยํ ชีวิตินฺทฺริยํ นอินฺทฺริยํ รูปํ อตฺถิ สปฺปฏิฆํ อตฺถิอปฺปฏิฆํ เอวํ ทสวิเธน รูปสงฺคโห ฯ ทสกํ ฯ

[๕๑๓] เอกาทสวิเธน รูปสงฺคโห จกฺขายตนํ โสตายตนํ ฆานายตนํ ชิวฺหายตนํ กายายตนํ รูปายตนํ สทฺทายตนํ คนฺธายตนํ รสายตนํ โผฏฺฐพฺพายตนํ ยญฺจ รูปํ อนิทสฺสนํ อปฺปฏิฆํ ธมฺมายตนปริยาปนฺนํ เอวํ เอกาทสวิเธน รูปสงฺคโห ฯ เอกาทสกํ ฯ มาติกา ฯ