๗. สตฺตกนิทฺเทสวณฺณนา

[๙๔๙] สตฺตกนิทฺเทเส ถามคตฏฺเฐน อปฺปหีนฏฺเฐน จ อนุเสนฺตีติ อนุสยา. วฏฺฏสฺมึ สตฺเต สํโยเชนฺติ ฆเฏนฺตีติ สญฺโญชนานิ. สมุทาจารวเสน ปริยุฏฺฐหนฺตีติ ปริยุฏฺฐานานิ. กามราโคว ปริยุฏฺฐานํ กามราคปริยุฏฺฐานํ. เสเสสุปิ เอเสว นโย.

[๙๕๐] อสตํ ธมฺมา, ลามกฏฺเฐน วา อสนฺตา ธมฺมาติ อสทฺธมฺมา. ราคาทีหิ โทเสหิ ทุฏฺฐานิ จริตานีติ ทุจฺจริตานิ. เตน เตนากาเรน มญฺญนฺตีติ มานา.