อปิจ วิชานนสภาเว วิญฺญาเณ ชีวสญฺญีนํ ชีวสญฺญาสมูหนตฺถมฺปิ ๑- อฏฺฐารเสว วุตฺตา. สนฺติ หิ สตฺตา วิชานนสภาเว วิญฺญาเณ ชีวสญฺญิโน, เตสํ จกฺขุโสตฆานชิวฺหากายมโนวิญฺญาณธาตุเภเทน ๒- ตสฺสา อเนกตฺตํ จกฺขุรูปาทิปจฺจยายตฺตวุตฺติตาย อนิจฺจตญฺจ ปกาเสตฺวา ทีฆรตฺตานุสยิตํ ชีวสญฺญํ สมูหนิตุกาเมน ภควตา อฏฺฐารส ธาตุโย ปกาสิตา. กิญฺจ ภิยฺโย:- ตถา เวเนยฺยชฺฌาสยวเสน. เย จ อิมาย นาติสงฺเขปวิตฺถาราย เทสนาย เวเนยฺยา สตฺตา, ตทชฺฌาสยวเสน จ อฏฺฐารเสว ปกาสิตา.
สงฺเขปวิตฺถารนเยน ตถา ตถา หิ
ธมฺมํ ปกาสยติ เอส ยถา ยถาสฺส
สทฺธมฺมเตชวิหตํ วิลยํ ขเณน