ปริเทวสฺส ทุกฺขฏฺโฐ เวทิตพฺโพติ เอตฺถ ปน อยมฺปิ สยํ น ทุกฺโข, กายทุกฺขโทมนสฺสทุกฺขานํ ปน วตฺถุภาเวน ทุกฺโขติ วุตฺโต. ปริเทวนฺโต หิ อตฺตโน ขนฺธํ มุฏฺฐีหิ โปเถติ, อุโภหิ หตฺเถหิ อุรํ ปหรติ ปึสติ, ๑- สีเสน ภิตฺติยา สทฺธึ ยุชฺฌติ. เตนสฺส พลวกายทุกฺขํ อุปฺปชฺชติ, "เอตฺตกา เม ญาตโย ขยํ วยํ อพฺภตฺถํ คตา"ติอาทีนิ จินฺเตติ, เตนสฺส พลวโทมนสฺสํ อุปฺปชฺชติ. อิติ อิเมสํ ทฺวินฺนมฺปิ ทุกฺขานํ วตฺถุภาเวน ทุกฺโขติ เวทิตพฺโพ. อปิจ:-

ยํ โสกสลฺลวิหโต ปริเทวมาโน

กณฺโฐฏฺฐตาลุตลโสสชมปฺปสยฺหํ ๒-

ภิยฺโยธิมตฺตมธิคจฺฉติเยว ทุกฺขํ