โส อตฺถโต เอโก ธมฺโม นาม นตฺถิ, เกวลํ ปิยวิปฺปยุตฺตานํ ทุวิธสฺสาปิ ทุกฺขสฺส วตฺถุภาวโต ทุกฺโขติ วุตฺโต. อิฏฺฐานิ หิ วตฺถูนิ วิยุชฺชมานานิ สรีรสฺส โสสนมิลาปนาทิภาเวน กายิกมฺปิ ทุกฺขํ อุปฺปาเทนฺติ, ยมฺปิ โน อโหสิ, ตมฺปิ โน นตฺถีติ อนุโสจนาปนโต มานสมฺปิ. เตเนตํ วุจฺจติ:-

ญาติธนาทิวิโยคา โสกสรสมปฺปิตา วิตุชฺชนฺติ

พาลา ยโต ตโต ยํ ทุกฺโขติ มโต ปิยวิปฺปโยโคติ. ๑-