ยสฺมา ตสฺมา ชิโน ทุกฺขํ อิจฺฉิตาลาภมพฺรวีติ.

อุปาทานกฺขนฺธนิทฺเทส

[๒๐๒] อุปาทานกฺขนฺธสฺส นิทฺเทเส สงฺขิตฺเตนาติ เทสนํ สนฺธาย วุตฺตํ. ทุกฺขํ หิ เอตฺตกานิ ทุกฺขสตานีติ วา เอตฺตกานิ ทุกฺขสหสฺสานีติ วา เอตฺตกานิ ทุกฺขสตสหสฺสานีติ วา สงฺขิปิตุํ น สกฺกา, เทสนา ปน สกฺกา. ตสฺมา "ทุกฺขํ นาม อญฺญํ กิญฺจิ นตฺถิ, สงฺขิตฺเตน ปญฺจุปาทานกฺขนฺธา ทุกฺขา"ติ เทสนํ สงฺขิปนฺโต ๑- เอวมาห. เสยฺยถีทนฺติ นิปาโต. ตสฺส เต กตเม อิติ เจติ อตฺโถ. รูปูปาทานกฺขนฺโธติอาทีนํ อตฺโถ ขนฺธวิภงฺเค วณฺณิโตเยว.

ขนฺธานํ ทุกฺขฏฺโฐ เวทิตพฺโพติ เอตฺถ ปน:-