"เสมฺหสมุฏฺฐานา อาพาธา"ติ ๒- ปากฏตฺตา เอกเหตุมาห. ปากโฏ หิ เอตฺถ เสโมฺห, น กมฺมาทโย. "เย เกจิ ภิกฺขเว อกุสลา ธมฺมา, สพฺเพ เต อโยนิโสมนสิการมูลกา"ติ อสาธารณตฺตา เอกเหตุมาห. อสาธารโณ หิ อโยนิโสมนสิกาโร อกุสลานํ, สาธารณานิ วตฺถารมฺมณาทีนีติ.
ตสฺมา อยมิธ อวิชฺชา วิชฺชมาเนสุปิ อญฺเญสุ วตฺถารมฺมณสหชาตธมฺมาทีสุ สงฺขารการเณสุ "อสฺสาทานุปสฺสิโน ตณฺหา ปวฑฺฒตี"ติ ๓- จ "อวิชฺชาสมุทยา อาสวสมุทโย"ติ ๔- จ วจนโต อญฺเญสมฺปิ ตณฺหาทีนํ สงขารเหตูนํ เหตูติ
@๓ สํ.นิ. ๑๖/๕๒/๘๒ ๔ ม.มู. ๑๒/๑๐๔/๗๕ ปธานตฺตา "อวิทฺวา ภิกฺขเว อวิชฺชาคโต ปุญฺญาภิสงฺขารมฺปิ อภิสงฺขโรตี"ติ ปากฏตฺตา อสาธารณตฺตา จ สงฺขารานํ เหตุภาเวน ทีปิตาติ เวทิตพฺพา. เอเตเนว จ เอเกกเหตุผลปริทีปนปริหารวจเนน สพฺพตฺถ เอเกกเหตุผลทีปเน ปโยชนํ เวทิตพฺพนฺติ.