กึ ปเนตฺถ กสฺส ภวสฺส กถํ ปจฺจโย โหตีติ เจ.

รูปารูปภวานํ อุปนิสฺสยปจฺจโย อุปาทานํ

สหชาตาทีหิปิ ตํ กามภวสฺสาติ วิญฺเญยฺยํ.

รูปารูปภวานญฺหิ กามภวปริยาปนฺนสฺส จ กมฺมภเว กุสลกมฺมสฺเสว อุปปตฺติภวสฺส เจตํ จตุพฺพิธมฺปิ อุปาทานํ อุปนิสฺสยปจฺจเยน เอกธา ปจฺจโย โหติ. กามภเว อตฺตนา สมฺปยุตฺตอกุสลกมฺมภวสฺส สหชาตอญฺญมญฺญนิสฺสย- สมฺปยุตฺตอตฺถิอวิคตเหตุปจฺจยปฺปเภเทหิ สหชาตาทีหิ ปจฺจโย โหติ, วิปฺปยุตฺตสฺส ปน อุปนิสฺสยปจฺจเยเนวาติ.