อนูนาธิกโต เจว อุปมาโต ตเถว จ.

ทฏฺฐพฺพโต ทฺวิธาเอว ๕- ปสฺสนฺตสฺสตฺถสิทฺธิโต

วินิจฺฉยนโย สมฺมา วิญฺญาตพฺโพ วิภาวินา.

ตตฺถ กมโตติ อิธ อุปฺปตฺติกฺกโม ปหานกฺกโม ปฏิปตฺติกฺกโม ภูมิกฺกโม เทสนากฺกโมติ พหุวิโธ กโม. ตตฺถ "ปฐมํ กลลํ โหติ, กลลา โหติ อพฺพุทนฺ"ติ ๖- เอวมาทิ อุปฺปตฺติกฺกโม. "ทสฺสเนน ปหาตพฺพา ธมฺมา, ภาวนาย ปหาตพฺพา ธมฺมา"ติ ๗- เอวมาทิ ปหานกฺกโม. "สีลวิสุทฺธิ จิตฺตวิสุทฺธี"ติ ๘- เอวมาทิ