[๖๖๓] เอกํ ปุคฺคลํ ปิยํ มนาปนฺติ อิทมฺปิ มุทิตาย วตฺถุภูตํ ปุคฺคลํ ทสฺเสตุํ วุตฺตํ. ตตฺถ คติกุลโภคาทิวเสน โชติภาเว ฐิโต ปิโย, กายสุจริตาทีหิ อุเปตตฺตา โชติปรายนภาเว ฐิโต มนาโปติ ทฏฺฐพฺโพ.

[๖๗๓] เนว มนาปํ น อมนาปนฺติ อิทมฺปิ อุเปกฺขาย วตฺถุภูตํ ปุคฺคลํ ทสฺเสตุํ วุตฺตํ. ตตฺถ มิตฺตภาวํ อสมฺปตฺตตาย เนว มนาโป, อมิตฺตภาวํ อสมฺปตฺตตาย น อมนาโปติ เวทิตพฺโพ. เสสเมตฺถ ยํ วตฺตพพํ สิยา, ตํ สพฺพํ เหฏฺฐา จิตฺตุปฺปาทกณฺเฑ ๒- วุตฺตเมว. ภาวนาวิธานมฺปิ เอเตสํ กมฺมฏฺฐานานํ วิสุทฺธิมคฺเค วิตฺถารโต กถิตเมวาติ.

สุตฺตนฺตภาชนียวณฺณนา นิฏฺฐิตา.