สมฺปตฺติยํ ลกฺขเณ จ รถงฺเค อิริยาปเถ

๑- ทาเน จ รตเน ธมฺเม ขุรจกฺกาทีสุ จ ทิสฺสติ ๑-

ธมฺมจกฺเก อิธ มโต ตญฺจ เทฺวธา วิภาวเย.

"จตฺตาริมานิ ภิกฺขเว จกฺกานิ เยหิ สมนฺนาคตานํ เทวมนุสฺสานนฺ"ติอาทีสุ ๒- หิ อยํ สมฺปตฺติยํ ทิสฺสติ. "เหฏฺฐาปาทตเลสุ จกฺกานิ ชาตานี"ติ เอตฺถ ๓- ลกฺขเณ. "จกฺกํว วหโต ปทนฺ"ติ เอตฺถ ๔- รถงฺเค. "จตุจกฺกํ นวทฺวารนฺ"ติ เอตฺถ ๕- อิริยาปเถ. "ททํ ภุญฺช มา จ ปมาโท, จกฺกํ วตฺตย ๖- สพฺพปาณีนนฺ"ติ เอตฺถ ๗- ทาเน. "ทิพฺพํ จกฺกรตนํ ปาตุรโหสี"ติ เอตฺถ ๘- รตนจกฺเก. "มยา ปวตฺติตํ จกฺกนฺ"ติ เอตฺถ ๙- ธมฺมจกฺเก. "อิจฺฉาหตสฺส โปสสฺส, จกฺกํ ภมติ มตฺถเก"ติ เอตฺถ ๑๐- ขุรจกฺเก. ๑๑- "ขุรปริยนฺเตน เจปิ จกฺเกนา"ติ เอตฺถ ๑๒- ปหรณจกฺเก. "อสนิวิจกฺกนฺ"ติ เอตฺถ ๑๓- อสนิมณฺฑเล. อิธ ปนายํ ธมฺมจกฺเก มโต.