ทุวิเธปิ ปน สิปฺปายตเน เอโก ปณฺฑิโต มนุสฺสานํ ผาสุวิหารตฺถาย นฬการสิปฺปาทีนิ หีนสิปฺปานิ หตฺถมุทฺธาย ๔- คณนสงฺขาตํ มุทฺธํ อจฺฉินฺนกสงฺขาตํ คณนํ มาติกาปเภทกาทิเภทญฺจ ๕- เลขํ อุปฺปาเทติ. โส สพฺพมฺเปตํ เนว อญฺเญหิ กริยมานํ ปสฺสติ ฯเปฯ กตสทิสเมว โหติ. อยํ สิปฺปายตเน นโย.
เอกจฺโจ ปน ปณฺฑิโต อมนุสฺสสิรึสปาทีหิ ๖- อุปทฺทุตานํ มนุสฺสานํ ติกิจฺฉนตฺถาย ธมฺมิกานิ นาคมณฺฑลมนฺตาทีนิ วิชฺชาฏฺฐานานิ อุปฺปาเทติ. ตานิ
@๔ ฉ.ม. หตฺถมุทฺทาย ๕ ฉ.ม. มาติกปฺปเภทญฺจ ๖ ฉ.ม. อมนุสฺสสรีสปาทีหิ เนว อญฺเญหิ กริยมานานิ ปสฺสติ, น กตานิ อุคฺคณฺหาติ, น กเถนฺตานํ สุณาติ, อตฺตโน ปน ธมฺมตาย จินฺตาย กโรติ. ปญฺญวตา หิ อตฺตโน ธมฺมตาย กตมฺปิ อญฺเญหิ อุคฺคณฺหิตฺวา กโรนฺเตหิ กตสทิสเมว โหติ.