อปรสฺสาปิ พหูนิ กลฺยาณกมฺมานิ โหนฺติ, ตานิ อุปธิสมฺปตฺติยํ ฐิตสฺส วิปจฺเจยฺยุํ. โส ปน เอเกน ปาปกมฺเมน อุปธิวิปตฺติยํ ปติฏฺฐิโต ทุพฺพณฺโณ โหติ ปิสาจสทิโส. โส สเจปิ ราชกุเล นิพฺพตฺโต, ปิตุ อจฺจเยน "กึ อิมสฺส นิสฺสิริกสฺส รชฺเชนา"ติ รชฺชํ น ลภติ, เสนาปติเคหาทีสุ นิพฺพตฺโตปิ เสนาปติฏฺฐานเสฏฺฐิฏฺฐานาทีนิ ๓- น ลภติ.

อิมสฺส ปนตฺถสฺสาวีภาวนตฺถํ ทีปราชวตฺถุ กเถตพฺพํ:- ราชา กิร ปุตฺเต ชาเต เทวิยา ปสีทิตฺวา วรํ อทาสิ. สา วรํ คเหตฺวา ฐเปสิ. กุมาโร

อปรสฺสาปิ พหูนิ กลฺยาณกมฺมานิ โหนฺติ, ตานิ กาลสมฺปตฺติยํ ฐิตสฺส วิปจฺเจยฺยุํ. โส ปน เอเกน ปาปกมฺเมน กาลวิปตฺติยํ ทุราชทุมนุสฺสกาเล กสเฏ นิโรเช อปฺปายุเก คติโกฏิเก นิพฺพตฺโต, ตาทิเส จ กาเล กลฺยาณกมฺมํ วิปากํ ทาตุํ น สกฺโกติ. ๗- เอวํ กาลวิปตฺติปฏิพาฬฺหานิ น วิปจฺจนฺตีติ ปชานาติ.