Cetodukkhasamappitā pana kese pakiriya urāni patipiṃsenti āvaṭṭanti vivaṭṭanti, chinnapapātaṃ papatanti, satthaṃ āharanti, visaṃ khādanti, rajjuyā ubbandhanti, aggiṃ pavisanti. Taṃ taṃ viparītaṃ vatthuṃ tathā tathā vippaṭisārino pariḍayhamānacittā cintenti. Evaṃ domanassassa ubhinnaṃ dukkhānaṃ vatthubhāvo veditabbo. Apica:-

pīḷeti yato cittaṃ kāyassa ca pīḷanaṃ samāvahati

dukkhanti domanassampi domanassaṃ tato āhūti.

Upāyāsaniddesa