So atthato eko dhammo nāma natthi, kevalaṃ piyavippayuttānaṃ duvidhassāpi dukkhassa vatthubhāvato dukkhoti vutto. Iṭṭhāni hi vatthūni viyujjamānāni sarīrassa sosanamilāpanādibhāvena kāyikampi dukkhaṃ uppādenti, yampi no ahosi, tampi no natthīti anusocanāpanato mānasampi. Tenetaṃ vuccati:-

ñātidhanādiviyogā sokasarasamappitā vitujjanti

bālā yato tato yaṃ dukkhoti mato piyavippayogoti.