So indriyasampanno phusati vedayati gaṇhiyati upādiyati ghaṭiyati, so puna bhavantare bhavatī"ti vā "sabbe sattā niyatisaṅgatibhāvapariṇatā"ti vā vikappeti. So evaṃ avijjāya andhakato evaṃ vikappento yathā nāma andho paṭhaviyaṃ vicaranto maggampi amaggampi thalampi ninnampi samampi visamampi paṭipajjati, evaṃ puññampi apuññampi āneñjampi saṅkhāraṃ abhisaṅkharotīti. Tenetaṃ vuccati:-

"yathāpi nāma jaccandho naro aparināyako

ekadhā yāti maggena ummaggenāpi ekadhā.

Saṃsāre saṃsaraṃ bālo tathā aparināyako