Satataṃ samitaṃ pavattatīti veditabbaṃ. Kathaṃ panettha sokādīhi avijjā siddhā, kathamidaṃ bhavacakkaṃ aviditādi, kathaṃ kārakavedakarahitaṃ, kathaṃ dvādasavidhasuññatāsuññanti ce. Ettha hi sokadukkhadomanassupāyāsā avijjāya aviyogino, paridevo ca

Apica "āsavasamudayā avijjāsamudayo"ti hi vuttaṃ, āsavasamudayā cete sokādayo honti. Kathaṃ? vatthukāmaviyoge tāva soko kāmāsavasamudayā hoti. Yathāha:-

"tassa ce kāmayamānassa chandajātassa jantuno

te kāmā parihāyanti sallaviddhova ruppatī"ti.