อรหนฺตาทิกถาวณฺณนา

[๒๙๑] อรหโต อตีโต ราโค อตฺถีติอาทีสุปิ ราคาทิภาวาวิชหนโต เอวํ ปฏิชานาติ. สราโคติอาทีสุ สุตฺตวิโรธภเยน เจว วจนยุตฺติวิโรธภเยน ๓- จ ปฏิกฺขิปติ.

ปทโสธนกถาวณณนา

[๒๙๕] เอวํ สพฺพมฺปิ ปาลิอนุสาเรเนว วิทิตฺวา ปรโต อตฺถิ สิยา อตีตํ, สิยา นฺวาตีตนฺติ เอตฺถ เอวมตฺโถ เวทิตพฺโพ:- ยํ อตีตเมว อตฺถิ, ตํ อตีตํ. ยํ ปจฺจุปฺปนฺนานาคตํ อตฺถิ, ตํ โน อตฺถิ, ตํ โน อตีตํ. เตนาตีตํ นฺวาตีตํ, นฺวาตีตํ อตีตนฺติ เตน การเณน อตีตํ โน อตีตํ, โน อตีตํ อตีตนฺติ. อนาคตปจฺจุปฺปนฺนปุจฺฉาสุปิ เอเสว นโย.