[๑๓๐] สตฺถารนิทฺเทเส ปริญฺญํ ปญฺญเปตีติ ปหานํ สมติกฺกมํ ปญฺญเปติ. ตตฺราติ เตสุ ตีสุ ชเนสุ. เตน ทฏฺฐพฺโพติ เตน ปญฺญาปเนน โส สตฺถา รูปาวจรสมาปตฺติยา ลาภีติ ทฏฺฐพฺโพติ อตฺโถ. ทุติยวาเรปิ เอเสว นโย.

[๑๓๑] ทุติเย สตฺถารนิทฺเทเส ทิฏฺเฐ เจว ธมฺเมติ อิมสฺมึเยว อตฺตภาเว. อตฺตานํ สจฺจโต เถตโต ปญฺญเปตีติ "อตฺตา นาเมโก อตฺถิ นิจฺโจ ธุโว สสฺสโต"ติ ภูตโต ถิรโต ปญฺญเปติ. อภิสมฺปรายญฺจาติ อปรสฺมิมฺปิ ๑- อตฺตภาเว เอวเมว ปญฺญเปติ. เสสเมตฺถ วุตฺตนเยเนว เวทิตพฺพนฺติ.

ติกนิทฺเทสวณฺณนา นิฏฺฐิตา.