๑๒. ทฺวาทสมนย สมฺปยุตฺเตนสงฺคหิตาสงฺคหิตปทวณฺณนา

[๔๑๗] อิทานิ สมฺปยุตฺเตนสงฺคหิตาสงฺคหิตปทํ ภาเชตุํ เวทนากฺขนฺเธนาติอาทิ อารทฺธํ. ตตฺถ เย สมฺปยุตฺเตนสมฺปยุตฺตปทนิทฺเทเส เวทนากฺขนฺธาทโย ธมฺมา อุทฺธฏา, สพฺพปุจฺฉาสุ เตเยว อุทฺธฏา. ตตฺถ เย ธมฺมา ปุจฺฉาย อุทฺธฏปเทน สมฺปยุตฺตา, เตสํ เยหิ สงฺคโห วา อสงฺคโห วา โหติ, เตสํ วเสน ขนฺธาทิเภโท เวทิตพฺโพ.

ตตฺรายํ นโย:- เวทนากฺขนฺโธ หิ สญฺญาทีหิ สมฺปยุตฺโต, เต สญฺญาทโย ตีหิ สญฺญาทิกฺขนฺเธหิ ทฺวีหิ ธมฺมายตนมนายตเนหิ ธมฺมธาตุยา