ตสฺสา สํวณฺณโนกาโส ยสฺมาทานิ อุปาคโต

ตสฺมา นํ วณฺณยิสฺสามิ ตํ สุณาถ สมาหิตาติ.

๑. มาติกาวณฺณนา

[๑] ฉ ปญฺญตฺติโย ขนฺธปญฺญตฺติ ฯเปฯ ปุคฺคลปญฺญตฺตีติ อยํ ตาว ปุคฺคลปญฺญตฺติยา อุทฺเทโส. ตตฺถ ฉาติ คณนปริจฺเฉโท. เตน เย ธมฺเม อิธ ปญฺญเปตุกาโม, เตสํ คณนวเสน สงฺเขปโต ปญฺญตฺติปริจฺเฉทํ ทสฺเสติ. ปญฺญตฺติโยติ ปริจฺฉินฺนธมฺมนิทสฺสนํ. ตตฺถ "อาจิกฺขติ เทเสติ ปญฺญเปติ ปฏฺฐเปตี"ติ ๑- อาคตฏฺฐาเน ปญฺญาปนา ทสฺสนา ปกาสนา ปญฺญตฺติ นาม. "สุปญฺญตฺตํ