อนาคามี ปุคฺคโล ตตฺถ ภาวิเตน มคฺเคนาติ ปเญฺห "อนาคามิโน ตตฺถ มคฺคภาวนาว นตฺถี"ติ ลทฺธิยา ปฏิกฺขิปติ. มคฺโค จ ภาวียติ, น จ กิเลสา

อนาคามี ปุคฺคโล กตกรณีโยติ ปเญฺห "โอปปาติโก ตตฺถ ปรินิพฺพายี"ติ วจนโต อุปปตฺติยาวสฺส กตกรณียาทิภาวํ สนฺธาย ปฏิชานาติ. อรหาติ ปเญฺห อิธ ปรินิพฺพายิโน อรหโต วเสเนว ปฏิกฺขิปติ, ปุน ปุฏฺโฐ ตตฺถ ปรินิพฺพายิโน วเสน ปฏิชานาติ.

อตฺถิ อรหโต ปุนพฺภโวติอาทีสุปิ ตตฺถปรินิพฺพายีอิธปรินิพฺพายีนํ วเสเนว อตฺโถ เวทิตพฺโพ. อปฺปฏิวิทฺธากุปฺโปว ตตฺถ ปรินิพฺพายตีติ ปุฏฺโฐ อิเธว ภาวิเตน มคฺเคน อรหตฺตสฺส ๑- อกุปฺปปฏิเวธํ อิจฺฉนฺโต ปฏิกฺขิปติ.