TIPITAKA Volume 36 : PALI ROMAN Abhidhamma Pitaka Vol 3 : Abhi. Dhātukathādhātukathā-Puggalapaññatti Dasakaniddeso

[152] Katamesaṃ pañcannaṃ idha niṭṭhā . sattakkhattuṃparamassa kolaṃkolassa ekabījissa sakadāgāmissa yo ca diṭṭheva dhamme arahā imesaṃ pañcannaṃ idha niṭṭhā. {152.1} Katamesaṃ pañcannaṃ idha vihāya niṭṭhā. Antarāparinibbāyissa upahaccaparinibbāyissa asaṅkhāraparinibbāyissa Sasaṅkhāraparinibbāyissa uddhaṃsotassa akaniṭṭhagāmino imesaṃ pañcannaṃ idha vihāya niṭṭhāti. Dasakaniddeso niṭṭhito. Ettāvatā puggalānaṃ puggalapaññatti. Puggalapaññattippakaraṇaṃ chabhāṇavāraṃ niṭṭhitaṃ.