๕. ปญฺจวิญฺญาณาสาโภคาติกถาวณฺณนา

[๕๘๔-๕๘๖] อิทานิ ปญฺจวิญฺญาณา สาโภคาติกถา นาม โหติ. ตตฺถ อาโภโค นาม กุสลากุสลวเสน โหติ, สตฺถารา จ "จกฺขุนา รูปํ ทิสฺวา นิมิตฺตคฺคาหี โหติ น นิมิตฺตคฺคาหี โหตี"ติอาทิ วุตฺตํ, ตํ อโยนิโส คเหตฺวา "ปญฺจวิญฺญาณา สาโภคา"ติ เยสํ ลทฺธิ เสยฺยถาปิ มหาสํฆิกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ ปุริมกถาสทิสเมวาติ.

ปญฺจวิญฺญาณาสาโภคาติกถาวณฺณนา นิฏฺฐิตา.