๖. ฉฏฺฐวคฺค

๑. นิยามกถาวณฺณนา

[๔๔๕-๔๔๗] อิทานิ นิยามกถา นาม โหติ. ตตฺถ นิยาโมติ "ภพฺพา นิยามํ โอกฺกมิตุํ กุสเลสุ ธมฺเมสุ สมฺมตฺตนฺ"ติ ๑- วจนโต อริยมคฺโค วุจฺจติ. ยสฺมา ปน ตสฺมึ อุปฺปชฺชิตฺวา นิรุทฺเธปิ ปุคฺคโล อนิยโต นาม น โหติ, ตสฺมา "โส นิยาโม นิจฺจฏฺเฐน อสงฺขโต"ติ เยสํ ลทฺธิ เสยฺยถาปิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. ตโต "ยทิ โส อสงฺขโต, เอวรูเปน เตน ภวิตพฺพนฺ"ติ ทีเปนฺโต นิพฺพานนฺติอาทิมาห. สํสนฺทนปุจฺฉา อุตฺตานตฺถาเยว.