๒. รูปํมคฺโคติกถาวณฺณนา

[๕๗๓-๕๗๕] อิทานิ รูปํ มคฺโคติกถา นาม โหติ. ตตฺถ เยสํ "สมฺมาวาจากมฺมนฺตาชีวา รูปนฺ"ติ ลทฺธิ เสยฺยถาปิ มหิสาสกสมิติยมหาสํฆิกานํ, เต สนฺธาย มคฺคสมงฺคิสฺสาติ ปุจฺฉา สกวาทิสฺส, ปฏิญฺญา อิตรสฺส. อถ นํ "ยทิ เต สมฺมาวาจาทโย รูปํ, น วิรติโย, ยถา สมฺมาทิฏฺฐาทิมคฺโค สารมฺมณาทิ- สภาโว, เอวํ ตมฺปิ รูปํ สิยา"ติ โจเทตุํ สารมฺมโณติอาทิมาห. ตตฺถ ปฏิกฺเขโป จ ปฏิญฺญา จ ปรวาทิโน ลทฺธิวเสน ๒- เวทิตพฺพา. เสสเมตฺถ อุตฺตานตฺถเมวาติ.

รูปํมคฺโคติกถาวณฺณนา นิฏฺฐิตา.