๑๑. เอกาทสมวคฺค

๑-๓. ติสฺโสปิอนุสยกถาวณฺณนา

[๖๐๕-๖๑๓] อิทานิ อนุสยา อพฺยากตา, อเหตุกา, จิตฺตวิปฺปยุตฺตาติ ติสฺโสปิ อนุสยกถา นาม โหนฺติ. ตตฺถ ยสฺมา ปุถุชฺชโน กุสลาพฺยากเต จิตฺเต วตฺตมาเน "สานุสโย"ติ วตฺตพฺโพ, โย จสฺส ตสฺมึ ขเณ เหตุ, น เตน เหตุนา อนุสยา สเหตุกา, น เตน จิตเตน สมฺปยุตฺตา, ตสฺมา "เต อพฺยากตา, อเหตุกา, จิตฺตวิปฺปยุตฺตา"ติ เยสํ ลทฺธิ เสยฺยถาปิ มหาสํฆิกานญฺเจว สมิติยานญฺจ, เต สนฺธาย ตีสุปิ กถาสุ ปุจฺฉา สกวาทิสฺส, ปฏิญฺญา อิตรสฺส. เสสํ เหฏฺฐา วุตฺตนยตฺตา ปาลิมคฺเคเนว สกฺกา ชานิตุนฺติ ตสฺมา น วิตฺถาริตนฺติ.

ติสฺโสปิอนุสยกถาวณฺณนา นิฏฺฐิตา.