๕. พุทฺธกถาวณฺณนา

[๘๘๕] อิทานิ พุทฺธกถา นาม โหติ. ตตฺถ ฐเปตฺวา ตสฺมึ ตสฺมึ กาเล สรีรเวมตฺตกํ อายุเวมตฺตกํ ปภาเวมตฺตกญฺจ ๕- เสเสหิ พุทฺธธมฺเมหิ พุทฺธานํ พุทฺเธหิ หีนาติเรกตา นาม นตฺถิ. เยสมฺปน อวิเสเสเนว อตฺถีติ ลทฺธิ เสยฺยถาปิ อนฺธกานํ, เต สนฺธาย อตฺถิ พุทฺธานนฺติ ปุจฺฉา สกวาทิสฺส, ปฏิญฺญา อิตรสฺส. อถ นํ พุทฺธธมฺเมหิ อนุยุญฺชิตุํ สติปฏฺฐานโตติอาทิมาห. อิตโร เตสํ วเสน หีนาติเรกตํ อปสฺสนฺโต ปฏิกฺขิปเตวาติ.

พุทฺธกถาวณฺณนา นิฏฺฐิตา.