[๗๗] ปุน ปุฏฺโฐ "อหํ เตน สมเยน สุเนตฺโต นาม สตฺถา อโหสินฺ"ติอาทิสุตฺตวเสน ๒- ปฏิชานาติ. อถสฺส สกวาที เทวมนุสฺสูปปตฺตีนํ นานตฺตโต ตํ ๓- วจนํ มิจฺฉาติ ปกาเสนฺโต มนุสฺโส หุตฺวาติอาทิมาห.

[๗๘] ตตฺถ เหวํ มรณํ น เหหิตีติ เอวํ สนฺเต มรณํ น ภวิสฺสตีติ อตฺโถ. อิโต ปรํ ยกฺโข เปโตติ อตฺตภาวนานตฺตวเสน อนุโยคนานตฺตํ เวทิตพฺพํ.

[๘๒] ขตฺติโยติอาทีนิ ชาติวเสน เจว องฺคเวกลฺลาทิวเสน จ วุตฺตานิ.