9. Ariyadhammavipākakathāvaṇṇanā

[498] Idāni ariyadhammavipākakathā nāma hoti. Tattha yesaṃ kilesappahāna- mattameva sāmaññaphalaṃ, na cittacetasikā dhammāti laddhi seyyathāpi

Tattha ariyadhammavipākoti maggasaṅkhātassa ariyadhammassa vipāko. Kilesakkhayamattaṃ ariyaphalanti laddhiyā paṭiññā itarassa. Sāmaññanti samaṇabhāvo, maggassetaṃ nāmaṃ. "sāmaññañca vo bhikkhave desessāmi sāmaññaphalañcā"ti hi vuttaṃ. Brahmaññepi eseva nayo.

Sotāpattiphalaṃ na vipākotiādīsu sotāpattimaggādīnaṃ apacayagāmitaṃ sandhāya ariyaphalānaṃ navipākabhāvaṃ paṭijānāti, dānaphalādīnaṃ paṭikkhipati. So hi ācayagāmītikassa evaṃ atthaṃ vāreti 3-:- vipākasaṅkhātaṃ ācayaṃ gacchanti, taṃ vā ācinantā gacchantīti ācayagāmino, vipākaṃ apacinantā gacchantīti apacayagāminoti. Tasmā evaṃ paṭijānāti ca paṭikkhipati ca.